Pandemiyanın dəhşətli SSENARİSİ HAZIRLANDI - Daha ölümcül xəstəlik dalğası yaşanacaq

ABŞ-ın Minnesota Universitetinin alimləri koronavirus pandemiyasının inkişaf ssenarisini hazırlayıb. Üç proqnoz variantının hər birində infeksiyanın 1,5-2 il müddətində yox olmayacağı, xəstəliyin yayılmasının 2022-ci ilin sonuna qədər davam edəcəyi göstərilib.

Publika.az xarici mətbuata istinadən xəbər verir ki, hadisələr ilk ssenari üzrə inkişaf edərsə, biz “sunami”nin ən yüksək dalğasını yaşamışıq olacağıq. Virus bəşəriyyətə ciddi zərbə vurub, amma növbəti iki il ərzində bizi daha kiçik dalğalar gözləyir. Bu vəziyyətdə xəstələnmək qorxusu sosial məsafəni yaşam normasına gətirəcək, bu da stadion və konsert zallarının, ticarət mərkəzlərinin fəaliyyətini birbaşa məhdudlaşdıracaq. İzdihamlı yerlər açıq təhlükə mənbəyi kimi qəbul ediləcək.

İkinci ssenariyə görə, payızda daha ölümcül və uzun sürən xəstəlik dalğası yaşanacaq. Yaydan sonra insanlar hər şeyin arxada qaldığını düşünərsə və rahatlaşarsa, gözləntilərin reallaşması qaçılmazdır. Bu ssenari səhiyyə sistemini zəiflədəcək. Həkim, xəstəxanalarda yer, havalandırıcı və fərdi qoruyucu vasitələr çatışmayacaq.

Ən pis vəziyyətdə, ildə iki dəfə - yazda və payızda bəşəriyyəti mütəmadi olaraq (iki il) epidemiyalar əhatə edəcək.

Aytən Məftun