Sağlamlıq

COVİD-19 vaksininin istifadəsinin qarşısında dayanan 3 şərt - Mütəxəssis açıqladı

21 İyul 2020 19:47

"Koronavirus peyvəndinin ilin sonunda bazara çıxarılması hədəfi ehtimaldır, dəqiq deyil. Çünki 3 şərt var".

Publika.az xəbər verir ki, bunu Oksford Universitetinin peyvənd hazırlığı qrupunun üzvü Sara Qilbert deyib.

BBC Radioya açıqlama verən Qilbert 3 şərti belə açıqlayıb: “Yüksək miqdarda peyvənd istehsalı, peyvəndin növbəti mərhələlərdə işə yaradığının müşahidəsi, tənzimləyicilərin təcili istifadə üçün sürətli lisenziya verməsi lazımdır. Çox sayda insanın peyvəndlənməyə başlanmasından əvvəl bu 3 şərtin hamısı gerçəkləşdirilməlidir”.

Qeyd edək ki, İngiltərənin “AstraZeneca” dərman şirkətinin istehsalçısı olan peyvənd ötən gün kliniki sınaqlarda müsbət nəticə vermişdi. Bu durum ilin sonuna qədər peyvəndin istifadəyə verilməsi iddialarını ağıla gətirmişdi.

Zümrüd