Sağlamlıq

ÜST pandemiyanın psixi sağlamlığa təsirini təsdiqlədi

26 Yanvar 2021 17:22

Ümumdünya Səhiyyə Təşkilatının araşdırmaları koronavirus pandemiyasının insanların zehni sağlamlığına təsirini təsdiqləyib. Bildirilib ki, epidemiya dövründə psixiatr və psixoterapevtlərin xidmətlərinə tələb əhəmiyyətli dərəcədə artıb.

Publika.az xəbər verir ki, bu barədə TASS agentliyinə verdiyi müsahibədə ÜST-nin Rusiyadakı nümayəndəsi Melita Vuynoviç məlumat verib. O qeyd edib ki, koronavirusdan tamamilə sağalan insanlar bir çox hallarda psixi sağlamlığın bərpasına və müalicəsinə ehtiyac duyur.

M.Vuynoviç psixi sağlamlıq xidmətləri və dəstəyinin müasir, yüksək səviyyədə təmin edilməsinin və bu sahədə əhalinin maarifləndirilməsinin vacibliyini vurğulayıb.

Aytən Məftun