Sağlamlıq

Bu qidalar yuxu keyfiyyətini yaxşılaşdırmağa kömək edir?

11 Oktyabr 2021 08:48

"Yeməklər yuxuya müdaxilə edə və keyfiyyətini artıra bilər".

Publika.az "Daily Express"ə istinadla xəbər verir ki, bunu qidalanma mütəxəssisi Lola Biggs (Böyük Britaniya) deyib.

O qeyd edib ki, qidalar sirkadiyalı ritmlərin intensivliyinə, gündüz və gecə ardıcıllığı ilə əlaqəli bioloji proseslərin intensivliyinə təsir göstərə bilər:

"Triptofan amin turşusundan sintez edilən melatonin hormonu ilə tənzimləndikləri üçün triptofan olan qidalar yemək daha yaxşı yatmağa kömək edir. Bu maddənin əsas qaynağı toyuq ətidir. Sözügedən maddə küncüt, yulaf və süddə də var".

Biggs deyib ki, yalnız triptofan deyil, omeqa-3 və doymamış yağ turşuları da melatonin sintezinə təsir göstərir.

Mütəxəssis bu maddələrin deposunu artırmaq üçün sardalya, hamsi, uskumru və qızılbalıq kimi yağlı balıqları diyetə daxil etməyi məsləhət görür. Axşam saatlarında qoz-fındıq, xüsusən badam və püstə çeynənilməlidir. Yuxuya müsbət təsir etdiyi bilinən təzə albalı yeməlisiniz.

Hüseyn