Afrikadan yayılan "super variant" HƏYƏCANI ARTIR

Afrika qitəsinin cənubundakı bəzi ölkələrdə ortaya çıxan yeni koronavirus variantı narahatlıq yaradıb.

Publika.az xəbər verir ki, Cənubi Afrika Respublikası və Botsvanada COVID-19-un çoxlu sayda mutasiyaya malik B.1.1.529 adlı yeni variantının aşkar edildiyi açıqlanıb. Elm adamları "super variant" olaraq xarakterizə edilən B.1.1.529-da 32 mutasiyanın olduğunu bildirirlər.

Ümumdünya Səhiyyə Təşkilatı (ÜST) da yeni variantla bağlı narahatlıqlar fonunda xüsusi iclas keçirəcək. Böyük Britaniya Cənubi Afrika, Namibiya, Zimbabve, Botsvana, Lesoto və Esvatinidən ölkəyə uçuşları müvəqqəti dayandırıb. Almaniyanın Səhiyyə naziri Yens Şpan da yalnız Cənubi Afrikadan olan vətəndaşların ölkəyə girişinə icazə verəcəklərini bildirib.

Peyvəndlər yeni varianta qarşı nə dərəcədə effektivdir?

Hazırda "peyvəndlər yeni varianta qarşı təsirlidirmi" sualı müzakirə olunur. Mütəxəssislərin fikrincə, vaksin hələ də pandemiyada ən böyük silahdır, lakin indiki peyvəndlərin bu varianta qarşı təsirli olub-olmaması diqqətlə izlənilir.