Pediatrdan SOS: “COVID barədə heç nəyə arxayın olmayın, peyvəndə belə”

COVİD-19-un omikron ştammına yoluxan tanınmış pediatr Aytən İsmayılzadə hər kəsi diqqətli davranmağa və peyvənd belə arxayın olmamağa səsləyib.

Publika.az xəbər verir ki, pediatr hazırda ev şəraitində müalicə olunduğunu deyib və tövsiyələrini izləyiciləri ilə paylaşıb.

- Kovid barədə heç nəyə arxayın olmayın - peyvəndə belə.

- Hər hansı klinikada omikron üçün əlavə ödəniş istəsələr etməyin. Bu sui-istifadədir. Omikron ya qeyri-omikron nəyisə dəyişmir. İlanın ağına da lənət, qarasına da.

- Əlamətlər başlayanda test pozitivdirsə, bu haqda ətrafınıza bildirin, çünki bir həftə əvvəl kimlərisə yoluxdurmuş ola bilərsiz.

- Heç nəyin mütləq təsiri yoxdu desək də, yüksək doza vitamin C və biotənzimləyici terapiyadan, antitromb vasitə istifadə edirəm.

- Özünüzə görə istəməsəz də, ətrafınıza görə yoxlamağı məsləhət görürəm. Mən pasiyentlərim və yaxınlarıma görə yoxladım.

- Evdə bir nəfərdə pozitivdirsə, digərləri üçün test etməyə gərək yoxdur.

- Evdə özünüzdə pozitiv olarsa uşaqları bir həftə, on gün məktəbə göndərməyin. Onlarda əlamətləri izləyin.

- Ən çox yoluxuculuq yuxarı tənəffüs yolları zədəli ikən baş verir.

- Ğskürəyi kəsməyə, hərarəti həmən salmağa cəhd etməyin. Cəhdləriniz zərərinizə olar. Minimum bədən ağrılarına görə aktiv hərəkət etmirik və enerjimizi immunitetin mubarizəsi üçün saxlayırıq.

- Uşaqlar uçun xüsusilə antiviral (tamiflu, arbidol) təyinatı çoxalıb, lazım deyil.