Oruc tutmaq beyni gücləndirir

Elmi araşdırmalar göstərir ki, oruc beyində "sinir inkişaf faktoru" və "beyindən qaynaqlanan sinir böyümə faktoru" kimi tanınan xəbərçi molekulların ifrazını artırır. Bu maddələr yalnız beynin yeni sinir hüceyrələri istehsal etməsinə imkan vermir, həm də enerji istifadəsini çox daha təsirli səviyyəyə qaldırır.

Publika.az xəbər verir ki, bu barədə nevroloq Derya Uludüz danışıb.

Orucun bədəni yenilədiyini deyən professor onun beyin sağlamlığına faydalarından da söz açıb. Oruc zamanı beyin normal halda istifadə etdiyi enerji mənbəyi olan qlükoza yerinə yağları parçalayaraq enerji olaraq ketonlardan istifadə edir. Ketonlar həmçinin beyin üçün səmərəli enerji mənbələridir. Bunlar daha çox enerji yaratmaq üçün enerji istehsal mərkəzləri olan mitoxondrilərin sayını artırır.

src="/storage/files/upload/06012d9d3d6f31eed3e9e6e1cd03b1f7716157c2.jpg" style="width: 479px; height: 397.57px;" class="fr-fic fr-dib">

Mitoxondrilərin çoxalması orqanizmin cavanlaşması deməkdir. Oruc tutmaq orqanizmdə sinir hüceyrələrinin yenilənməsini və bərpasını təmin edən BDNF zülalını artırır. Bu sizi xroniki nevroloji xəstəliklərdən qoruyur, həm də yaddaşınızı gücləndirir. İki-üç həftəlik aclıqdan sonra xolesterin sabitləşir. İnsult (insult) və ürək xəstəliyi riskiniz azalır. Oruc tutmaq qan təzyiqini aşağı salır. Qan təzyiqi yüksəkdirsə, beyinə qan axını adətən azalır. Bu zaman sinir hüceyrəsi qida və oksigensiz qalır. Nəticədə, yüksək qan təzyiqi xroniki xəstəliklərə və serebral iflicə yol açır. Oruc tutmaq iltihabı və oksidləşdirici stressi azaldır. Qlükoza enerji kimi istifadə edildikdə, oksidləşdirici stressə səbəb olur. Ketonların istifadəsi isə oksidləşdirici stressin qarşısını alır və bir növ antioksidant kimi çıxış edir. Oruc tutmaq həm də immuniteti gücləndirir. Leykositlər dediyimiz yeni döyüş hüceyrələrinin istehsalını təmin edir. Orucun immuniteti zəiflərdiyi barədə məlumatlar əslində yanlış fikirdir. Ramazanda immunitetimizi zəiflədən oruc deyil, yuxu rejimimizin pozulmasıdır. Şəkərli diabet şəklini dəyişdirir. İnsulin həssaslığını artırır. Oruc tutmaqla beyində yeni sinir hüceyrələri əmələ gəlir. Bu, neyroplastikliyi öyrənmə prosesini artırır və stressə qarşı müqaviməti artırır.