Süd məhsullarını yemək üçün ən optimal vaxt

Bağırsaq mikroflorasını normallaşdırmaq üçün müəyyən bir zamanda fermentləşdirilmiş süd məhsulları qəbul edilməlidir.

Publika.az">Publika.az xəbər verir ki, bu barədə "Sputnik" radiosuna müsahibəsində tibb elmləri namizədi, diyetoloq Andrey Bobrovski deyib.

Mütəxəssisin sözlərinə görə, bifidobakteriyalardan maksimum fayda əldə etmək üçün mayalanmış süd məhsullarını acqarına qəbul etmək son dərəcə vacibdir. O bildirib ki, fermentləşdirilmiş süd məhsullarını yedikdən sonra ən azı saat yarım keçməlidir.

Eyni zamanda Bobrovski qeyd edib ki, təbii probiotikin müsbət təsirini hiss etmək üçün ən azı 2 həftə ərzində fermentləşdirilmiş süd məhsullarından istifadə etmək lazımdır.

Həkim əlavə edib ki, fermentləşdirilmiş süd məhsullarının ən böyük faydası onların orqanizm üçün mühüm əhəmiyyət kəsb edən amin turşularının tədarükçüsü olmasıdır. Bundan əlavə, belə məhsullar sümükləri gücləndirən kalsiumla zəngindir.

Bobrovski insan orqanizminin bu maddələri istənilən vaxt qəbul edə biləcəyini vurğulayıb.

Yekun olaraq, diyetoloq gündə orta hesabla 1-2 stəkan kefir tövsiyə edib. Eyni zamanda Bobrovski yağ tərkibi təxminən 2,5% olan məhsullar seçməyi məsləhət görüb.

Məlumat üçün bildirək ki, diyetoloq Anna Lisenko hər kəsi süd məhsullarından imtina etməyə çağırmışdı. O, öz mövqeyini bu cür yeməklərin assimilyasiya prosesi, eləcə də hazırlanma üsulu ilə izah edib.

Diyetoloqun sözlərinə görə, mal-qaraya hormonlar verilir ki, bu da faydalı deyil.