COVID-19 bir sıra xəstəlikləri artırdı

Türkiyəli həkimlərinin sözlərinə görə, koronavirus səbəbindən bir çox xəstəliklər geniş yayılmaqdadır.

Publika.az Türkiyə mətbuatına istinadən xəbər verir ki, bu barədə Türk Tibb Birliyi (TTB), Xalq Sağlamlığı Mütəxəssisləri Dərnəyi (HASUDER), Türkiyə Klinik Mikrobiologiya və İnfeksion Xəstəliklər Dərnəyi (KLİMİK), Türkiyə İmmunologiya Dərnəyi, Türkiyə Ailə Həkimləri İxtisaslaşma Dərnəyi (TAHUD), Sağlamlıq və Sosial Yardım Fondu (SSYV) və Türkiyə Milli Pediatriya Assosiasiyasının Peyvənd Həftəsi çərçivəsində keçirilən onlayn görüşündə məlumat verilib.

TTB Mərkəzi Şurasının baş katibi Prof. Dr. Vedat Bulutun sədrlik etdiyi yığıncaqda ilk çıxışı TTB Peyvənd İş Qrupundan Prof. Dr. Muzaffer Eskiocak edib.

Nitqinə dünyada və Türkiyədə COVID-19 yoluxmalarının və ölümlərinin sayını, peyvənd prosesini müzakirə etməklə başlayan Eskiocak koronavirusun profilaktik xidmətlərdə axsamalara səbəb olduğunu və qızılca kimi bir çox xəstəliyin artdığını bildirib.

O, vurğulayıb ki, peyvəndlə qarşısı alına bilən yoluxucu xəstəliklər sağlamlığımızı təhdid etməkdə davam edir: “Son 20 ildə dünyada milyardlarla doza peyvənd tətbiq olunub, bununla da ildə 3,5-5 milyon uşaq ölümünün qarşısının alınıb. Peyvəndlər təhlükəsizdir. Peyvəndlər bizi yaşadır. Nə qədər ki, peyvəndlə qarşısı alına bilən yoluxucu xəstəliklər dünyanın hər yerində mövcuddur, dünyanın bütün cəmiyyətləri təhlükə altındadır. Peyvəndlə qarşısı alına bilən xəstəliklərin statistikası dəyişib. Bilmək lazımdır ki, kütləvi immunitetin yeganə qazancı infeksiya zəncirini qırmamaqdır. Kütləvi immunitet həm də cəmiyyətin ən həssas təbəqələrinin müdafiəsini təmin edən həmrəylikdir”.

KLİMİK İdarə Heyətinin üzvü Prof. Dr. Alpay Azap isə bildirib ki, COVID-19 pandemiyasında da göründüyü kimi, yoluxucu xəstəliklər təkcə fərdləri deyil, bütün cəmiyyəti narahat edir. “Profilaktik xidmətlərdə fasilələrin yaranması riskləri oldu, Ümumdünya Səhiyyə Təşkilatının məlumatlarına görə, qızılcaya yoluxanların sayında 80 faiz artım olub”, - professor Alpay Azap qeyd edib.