Dəriniz BU SƏBƏBDƏN quru və çat olur

Mövcud 3 dəri növündən - yağlı, normal, quru - sonuncunun sahibləri ən çox soyulmadan əziyyət çəkirlər. Ancaq düzgün kömək etmək üçün soyulmanın səbəbini müəyyən etmək lazımdır.

Publika.az">Publika.az xəbər verir ki, bu barədə “Doctor Nearby” rəqəmsal tibb xidmətinin məsləhətçisi - ailə həkimi, dermatoloq-kosmetoloq Viktoriya Qribel “Life” nəşrinə müsahibəsində danışıb. Həkimin sözlərinə görə, bu səbəblər həm xarici, həm də daxili ola bilər.

Xarici səbəbə nəm çatışmazlığı daxildir - şaxtalı və küləkli hava, günəşin güclü təsiri, istilik mövsümündə quru hava. Ekspertin sözlərinə görə, bu halda ilin müəyyən fəsillərində dəriyə qulluq vasitələri kömək edir. Dəri problemləri həm də allergiya ilə əlaqəli ola bilər. Qribel qeyd edib ki, allergik reaksiyalar kosmetik komponentlərdən və ya daha çox çiçəkli bitkilərdən, qidalardan və dərmanlardan yarana bilər. Bu vəziyyətdə, ekspertin fikrincə, dermatoloqa müraciət etmək lazımdır və bu, ən qısa müddətdə edilməlidir.

Dəri soyulmasının başqa bir səbəbi vitamin çatışmazlığıdır. Odur ki, Qribel oxucuları müxtəlif və balanslaşdırılmış qida rasionu, vitamin və mineral kompleksləri haqqında unutmamağa çağırıb. Lazım gələrsə, seçimi düzəltmək üçün həkimə müraciət etməyi də tövsiyə edib. Kosmetoloq əlavə edib ki, yağlı dəri sahibləri tez-tez isti su və sabunla yuyulmaqla dərinin soyulması ilə üzləşə bilər. Ancaq Qribel məsləhət görür ki, su prosedurlarından sonra dərini silmək əvəzinə dəsmal ilə islatmaq daha yaxşıdır.