Qarındakı piylərdən xilas olmağın yolları

Qidalanma mütəxəssisi, diyetoloq, Milli Dietoloqlar və Diyetoloqlar Assosiasiyasının üzvü Dariya Rusakova “Moskva 24” telekanalına müsahibəsində qarın piylərindən qurtulmağın yollarından danışıb.

Publika.az xəbər verir ki, diyetoloqun sözlərinə görə, hormonal disbalans qarın piylənməsinin başlıca səbəblərindən biridir:

“Bu həm kişilər, həm də qadınlar üçün problemdir. Əsas səbəblərdən biri hormonal balanssızlıqdır. Kişilərdə testosteron, qadınlarda estrogen çatışmazlığı. Artıq piylərdən xilas olmaq problemini kompleks şəkildə həll etmək daha yaxşıdır. Qadınlara ginekoloq və endokrinoloqa, kişilərə androloq-uroloqa müraciət etməyi tövsiyə edirəm. Əlavə edilmiş şəkər, tez həzm olunan karbohidratlardan qaçmaq lazımdır. Çox vaxt oturaq həyat tərzi, həddindən artıq karbohidrat məhsullar qəbul etmək qarında piylənmə ilə nəticələnir” , - Daria Rusakova bildirib.

Rasionu normallaşdırmaq üçün mütəxəssis kalori ehtiyacını hesablamağı məsləhət görür. Parametrlərinizə əsasən bunu sizin üçün edəcək mobil proqramlardan istifadə etmək kifayətdir. Həm də gündəlik fiziki fəaliyyətinizi artırmalısınız. Hər gün 20-30 dəqiqə idman etmək kifayətdir.

Mütəxəssis qeyd edir ki, qarın nahiyəsində piy yığılmasının qarşısını almaq üçün qarın əzələlərini gücləndirən məşqlər var. Amma bunları düzgün, təlimatçı ilə etmək lazımdır. Qarın nahiyəsində piylərlə mübarizə aparmaq çox çətin işdir: “Təbii məhsulların daxil edilməsi ilə gündə üç-beş dəfə az porsiyalar halında yeməklər yemək lazımdır: yağsız ət, balıq, süd məhsulları. Taxıl və kartof əvəzinə təzə tərəvəzlərdən və ya bişmiş tərəvəzlərdən salatlar hazırlayın”.

Aytən Məftun