Sağlamlıq

Bunlar uşaqlarda immunitetin zəifləməsinə yol açır- DİQQƏT!

3 İyul 2022 15:15

Uşağın immun müdafiəsi təkcə genetikadan deyil, həm də valideynlərin həyat tərzindən asılıdır.

Publika.az xəbər verir ki, bu barədə “NGS55.RU”ya pediatr Fedor Katasonov məlumat verib. Həkimin sözlərinə görə, uşağın immunitetini qorumaq üçün vaxtında peyvənd etmək lazımdır. Ancaq uşaqların immunitetini zəiflədən bir neçə faktor var.

“İzolyasiya, aclıq, stress, həddindən artıq ultrabənövşəyi şüalanma, hərəkətsizlik, düzgün olmayan qidalanma mənfi təsir göstərir”, - pediatr faktorları sadalayıb.

Həkim əlavə edib ki, valideynlər uşağın stressini minimuma endirməli, onu ailədə normal psixoloji mühitlə təmin etməlidirlər. Bundan əlavə, uşaqla çox gəzmək və ona balanslı rasion hazırlamaq lazımdır.

Aytən Məftun