Stresin öhdəsindən gəlməyin ən effektiv yolu

İnsan İnkişafı İnstitutunun tədqiqatçısı Maks Plank müəyyən edib ki, təbiətdə bir saatlıq gəzinti stressə cavab verən beyin loblarının fəaliyyətini azaldır.

Publika.az xəbər verir ki, tədqiqat “Molecular Psychiatry” jurnalında dərc olunub.

Meşədə və ya açıq havada bir saatlıq gəzintidən əvvəl və sonra 63 sağlam könüllüdə stressin işlənməsi üçün məsul olan bölgələrdə beyin fəaliyyətini araşdırılıb. Tədqiqatın nəticələri təbiətdə gəzintidən sonra amigdala aktivliyinin azaldığını göstərib və bu, təbiətin beynin stresslə əlaqəli bölgələrinə faydalı təsir göstərdiyini göstərir.

Maraqlıdır ki, bu bölgələrdə şəhər gəzintilərindən sonra beyin fəaliyyətində heç bir artım müşahidə edilməyib. Bu isə şəhərdə daha çox zaman keçirmənin əlavə stresə səbəb olduğuna dair geniş yayılmış inanca ziddir.

Əvvəlki araşdırmalar sübut edib ki, şəhərdə yaşamaq psixi pozğunluqların inkişafı üçün risk faktorudur. Eyni zamanda təbiətə yaxın yaşayan insanların beyni fərqlidir. Onların beyninin mərkəzi bölgəsi olan amigdala şəhər sakinlərinə nisbətən stress altında daha az aktivdir. Yəni, daha "təbii" ərazilərin sakinləri potensial olaraq streslə daha yaxşı mübarizə apara bilərlər. Amma indiyə qədər bilinmirdi ki, bu, təbiətin təsiri ilə bağlıdır, yoxsa belə beyinə malik insanlar sadəcə olaraq şəhərdən uzaqda yaşamağa üstünlük verirlər.