Sağlamlıq

Payızda mükəmməl səhər yeməyi necə olmalıdır?

31 Oktyabr 2022 16:26

Soyuq və rütubətli havada səhər yeməyi orqanizmə faydalı olan rəngarəng məhsullarla zəngin olmalıdır.

Publika.az xəbər verir ki, bu barədə diyetoloq Tatyana Zalyotova danışıb. O, "Sputnik" radiosuna verdiyi açıqlamasında qeyd edib ki, aromaterapiya və canlı vizual görüntülər ovqatınızı gün ərzində yüksəldə bilər. Səhər yeməyinə giləmeyvə püresi, bal, mürəbbə və ya tünd şokolad əlavə edə bilərsiniz. Bunlar bədənə enerji verəcək və xoşbəxtlik hormonlarının istehsalına kömək edəcək. Bununla belə, Zalyotova xəbərdarlıq edib ki, normanı aşmaq ziyandır.

"Psixoloji vəziyyəti yaxşılaşdırmaq üçün həddən artıq yemək daha çox payız-qış dövrü üçün xarakterikdir. Amma qida yaxşı əhval-ruhiyyənin yeganə mənbəyinə çevrilməməlidir, çünki bu, kökəlməyə səbəb ola bilər", - həkim vurğulayıb.