Arıqlamaq istəyirsiniz? - Bu saatlarda idman edin

Arıqlamaq istəyənlər üçün idman da pəhriz qədər vacibdir.

Publika.az xarici mediaya istinadən xəbər verir ki, mütəxəssislərin sözlərinə görə, günün müəyyən saatlarında edilən idman daha effektiv nəticə əldə etməyə imkan verir. İsveç alimləri apardıqları araşdırmalardan sonra bu nəticəyə gəliblər ki, səhər tezdən edilən idman arıqlamaq istəyənlər üçün daha təsirlidir. Belə ki, bu saatlarda maddələr mübadiləsi daha aktiv olduğundan, yağların yandırılması prosesini də sürətləndirir. İdman bədənə daha yaxşı yuxu, yaddaş, performans və maddələr mübadiləsi kimi müxtəlif yollarla sağlamlığı artıran yüzlərlə siqnal molekulunu buraxmağa imkan verir.

Karolinska İnstitutunun bioloqu, professor Julyen Zirat da izah edib ki, nəticələrə görə, səhər idmanı maddələr mübadiləsini sürətləndirmək və yağ yandırmaqda axşam məşqindən daha təsirli ola bilər.

Danimarkadakı Kopenhagen Universitetinin tədqiqatçılarının daxil olduğu komanda səhər idmanının 2-ci diabet və piylənmə kimi xəstəliklərə də kömək edəcəyinə ümid edir.

Ekspertlər yetkin insanlara həftədə iki yarım saatlıq orta ağırlıqlı məşqlə, məsələn, velosiped sürmək və ya sürətli gəzinti və ya 75 dəqiqə qaçışla və tennis kimi oyunlarla məşğul olmağı tövsiyə edir.

Bəzi mütəxəssislər isə hesab edir ki, səhər tezdən bədəni ağır idmanla yükləmək, onu stressə sala bilər. Odur ki, idmanla günorta saatlarında məşğul olmağı tövsiyə edirlər.

Aytən Məftun