Sağlamlıq
Beynin qocalmasını yavaşladan beş əsas qayda
Müasir insan tez-tez xroniki yorğunluqdan, depressiyadan və unutqanlıqdan şikayətlənir. Belə əlamətlər çox vaxt beynin qocalmasını göstərir.
Publika.az xəbər verir ki, Rusiyanın aparıcı gerontoloqlarından biri, Rusiya Elmlər Akademiyasının müxbir üzvü Aleksey Moskalev kp.ru saytına müsahibəsində həyat tərzini dəyişdirməyi tövsiyə edib. Ekspert hesab edir ki, bir nömrəli qayda neyroiltihabdan qorunmadır.
"Bütün beyin hüceyrələrinin təxminən 10%-i mikroqliya adlanan hüceyrələrdir. Onun ən mühüm vəzifəsi beyində immun nəzarətdir. Mikroqliya hüceyrələri də sinir toxumasına yad agentlər daxil olduqda qoruyucu reaksiyalarda iştirak edirlər. Bunlar infeksion agentlər, müxtəlif toksinlər, ağır metallar, hava və qida yolu ilə daxil olan çirkləndiricilərdir.
Bununla belə, immun hüceyrələrinin həddindən artıq aktivliyi neyroiltihabın inkişaf etməsinə səbəb olur. Nəticədə yaddaş və öyrənmə qabiliyyəti pozulur. Buna görə də, mikrogliaların "həddindən artıq yüklənməsindən çəkinmək lazımdır. Beyində mənfi reaksiyalara səbəb ola biləcək ən çox yayılmış amillər infeksiyalar, uzun müddətli stress və xroniki patoloji vəziyyətlərdir.
İkinci qayda qidalanma ilə bağlıdır. Kolbasa və sosiska kimi yarımfabrikatlar, çipslər, şəkərin istifadəsini məhdudlaşdırmaq lazımdır. Bütün bədəndə, o cümlədən beyində iltihablanma təhlükəsini azaldan qidalar var ki, onlara üstünlük verməyə dəyər. Bunlar göyərti, tərəvəz, qoz-fındıq, meyvə, giləmeyvə, ədviyyatlar, balıq və dəniz məhsullarıdır.
Üçüncüsü, bağırsaq mikroflorasının tarazlığını dəstəkləməlisiniz. Taxıl və dənli bitkilərin, həmçinin paxlalı bitkilərin, tərəvəzlərin, meyvələrin və göyərtilərin tərkibində olan liflər buna kömək edəcək", - həkim qeyd edib.
Bundan əlavə, mütəxəssis mikrofloraya mənfi təsir göstərən məhsulların istifadəsini məhdudlaşdırmağı məsləhət görüb. Bunlar sürətli karbohidratlar (şirniyyat və xəmir) və qırmızı ətdir.
Daha sonra ekspert depressiya və demans riskini azaldacaq fiziki fəaliyyəti təklif edir. Son olaraq da sağlam yuxunun vacibliyini bildirib. Moskalev həm də yataq otağını yaxşı havalandırmağı, qalın pərdələrdən və ya yuxu maskasından istifadə etməyi, gecələr isə yemək yeməməyi və spirtli içki içməməyi məsləhət görüb.
Aytən Məftun
-
Hadisə00:45
Bakıda DƏHŞƏT: toydan sonra iki nəfər faciəvi şəkildə ÖLDÜ - VİDEO
-
Qoroskop00:15
Günün ULDUZ FALI: romantik qarşılaşma ola bilər
-
Magazin15 May 23:48
Xalq artisti: “Mənə səhnənin canavarı deyirlər”
-
Sosial5 May 23:12
Yol polisindən gələn zəng onları dəhşətə gətirdi: "Maşın vurub öldürdü" - VİDEO
-
Sosial5 May 22:25
Xaçmazda 17 yaşlı qız 37 yaşlı kişi ilə nişanlanıb? - DİN-dən AÇIQLAMA
-
Magazin15 May 22:00
Ədalət Şükürovun qızının toyundan GÖRÜNTÜLƏR - VİDEO
-
Sosial5 May 21:48
Nübarlıq gilas satışa çıxdı: qiyməti "əl yandırır" - FOTO
-
Magazin25 May 21:24
Cennifer Lopez ictimaiyyət qarşısına elə libasda çıxdı ki... - FOTO/VİDEO