Sağlamlıq
İnsan beyninin oxşarı olan biokompüterlər təqdim olundu
![](https://publika.az/storage/2023/02/28/870x489_1x0_detail_crop_20230228142916_e1f7a142_c9bf164d76ef8f9a87ba6bb7b24225b98e2094e3f14823e4bdc0c83e6d5caa3d.jpg?v1722040321)
Cons Hopkins Universitetinin (ABŞ) alimləri yeni nəsil biokompüterlərin layihəsini təqdim ediblər.
Publika.az xəbər verir ki, layihə müəlliflərinin fikrincə, belə qurğu mürəkkəb hesablama məsələlərini həll edə biləcək. Bu sahə şərti olaraq “orqanoid zəka” adlanıb.
Alimlər qeyd ediblər ki, bizim adət etdiyimiz silikon əsaslı kompüterlər rəqəmlərlə yaxşı işləyir, əsl beynin öyrənmə qabiliyyəti daha çoxdur.
Beyin orqanoidləri üçölçülü modellərə çevrilmiş kök hüceyrə qruplarıdır. Onlar beynin quruluşunu və funksiyasını təqlid edirlər, lakin həqiqi orqandan daha primitivdirlər. Organoidlər ilk dəfə 2013-cü ildə mikrosefaliya tədqiqatı üçün laboratoriyada yaradılıb. Sonradan, Alzheimer və Parkinson xəstəlikləri kimi digər xəstəlikləri öyrənmək üçün istifadə edilib.
Orqanoidlər həqiqi beynin məlumatı qəbul etməsinə və saxlamasına kömək edən hüceyrələrlə təchiz edilib. Buna görə də, alimlərin fikrincə, belə strukturlar çox enerji sərfiyyatı olmadan sürətli öyrənmə tələb edən hesablama işləri üçün uyğundur. Məlumat yığcam sinir bağlantılarında saxlanıla bilər.
Tədqiqatın müəllifləri qeyd ediblər ki, insan beynində təxminən 100 milyard neyron var.
Biokompüterlər yaratmaq üçün biomühəndislik və maşın öyrənmə vasitələrindən istifadə edilə bilər. Onlar təkcə ayrı-ayrı orqanoidlərdən məlumat göndərməyə və qəbul etməyə deyil, həm də onları beyin qruplarının mürəkkəb şəbəkələrində birləşdirməyə imkan verəcək.
Lakin bu layihəyə etik standartlar mane olur. İndiyədək elm adamları 50.000-dən çox olmayan neyrondan orqanoidlər yetişdiriblər. Amma güclü kompüter yaratmaq üçün onların sayını ən azı 10 milyona çatdırmaq lazım gələcək. Bir sıra ekspertlərin fikrincə, belə bir quruluş özünəməxsus intellekt və şüurun hansısa formasını əldə etməyə qadirdir.
Ayşən
![Publika.az](https://publika.az/assets/main/image/logo-nav.png)
-
İdman03:19
Ailəsi ilə istirahət edir: məkanı gizli saxlayır - FOTOLAR
-
Sağlamlıq02:18
Bu tərəvəz kişiləri prostat xərçəngindən qoruyur - Uroloqdan tövsiyə
-
Magazin101:48
Ebru Gündeşdən boşanma iddialarına CAVAB - FOTO
-
İdman01:20
Məşq edərkən maşın vurdu: Paris-2024-ü buraxacaq
-
Qoroskop00:42
Günün qoroskopu: gəlirləriniz arta bilər
-
Nida Xəbər 00:27
Sərdar Cəlaloğlu namizədliyini geri götürdü - Səbəbini belə izah etdi
-
Magazin100:12
"Ərim deyir ki, üçüncü uşaq olmasa, səni boşayacam" - Sevda Yahyayeva
-
İdman26 İyul 22:00
Azərbaycan nümayəndə heyəti paraddan keçdi - VİDEO