Yaza qədər arıqlamaq istəyirsinizsə, bu 6 məhsula "YOX" deyin!

Yaz aylarında daha incə bədən quruluşuna sahib olmaq arzusundasınızsa, mübarizəyə indidən başlamağa və "silahlanmağa" dəyər. Unutmayın ki, bununla hətta arıq qızlarda da rast gəlinən sellülitlərdən də xilas olmaq lazımdır. Üstəlik, fiziki məşqlərlə nifrət edilən "portağal qabığı" görünüşünün öhdəsindən gəlmək həmişə mümkün deyil, lakin düzgün qulluq və pəhrizdəki dəyişikliklər mütləq əla nəticələrə səbəb ola bilər.

Publika.az xəbər verir ki, diyetoloq Katerina Kuzina Lenta.ru-ya sağlam üsulla arıqlamağın yollarından danışıb. O bildirib ki, ilk növbədə sellülitə səbəb olan qidalardan imtina etməliyik.

Fəstfud və yarımfabrikatlar

Qadağan olunmuş qidalar siyahısında çox duzlu qidalar birincidir. Buraya fəstfudlar, kolbasa və yarımfabrikatlar daxildir. Bədəndə mayeni saxlayırlar ki, bu da sellülitin daha nəzərəçarpan olmasına səbəb olur.

Xəmir və ağ çörək

Buğda unundan hazırlanan məhsullar yüksək qlisemik indeksə (70-dən 85-ə qədər) malikdir. Bildiyiniz kimi, qlisemik indeks nə qədər yüksəkdirsə, bədən üçün bir o qədər təhlükəlidir. O cümlədən, bu, elastin və kollagenin zədələnməsinə və nəticədə "portağal qabığının" görünüşünə yol açır.

Dükandan alınmış qatıqlar

Qızların çoxu adətən pəhrizə başlayanda nədənsə mağazadan aktiv şəkildə meyvəli yoqurtlar almağa başlayırlar. Qutunun üzərində 0% yağ olduğu yazılsa belə, yoqurtların tərkibini diqqətlə oxuyun. Nəticədə, “pəhriz” üçün nəzərdə tutulan bu qidaların tərkibində nə qədər şəkər olduğunu kəşf edəcəksiniz və çox güman ki, dəhşətə gələcəksiniz. Əgər siz meyvəli yoqurtları təbii qatıqla əvəz etsəniz və onu sadəcə olaraq evdə giləmeyvə ilə qarışdırsanız, bu, həm bədən quruluşunuz, həm də dəriniz üçün daha faydalı olacaq.

Mayonezli salatlar

Mayonezin tərkibində olan zərərli yağlar qan dövranını ləngidə bilər, müvafiq olaraq qida maddələri hüceyrələrə vaxtında çatmayacaq. Nəticədə birləşdirici toxuma zəifləyir və sellülit daha qabarıq görünür.

Qazlı içkilər

Qazlı içkidə olan şəkər və kimyəvi əlavələr də insulin sintezini artırır, bu da yağ ifrazını stimullaşdırır və sellülitin yaranması ilə nəticələnir.

Alkoqol

Hər hansı bir spirt susuzluğa gətirib çıxarır, çünki mayeni aktiv şəkildə çıxarır və bədənimiz itkiləri kompensasiya etmək üçün suyu saxlamağa başlayır. Bu da şişkinlik və nəticədə "portağal qabığı"​nın yaranmasına gətirib çıxarır. Bundan əlavə, həddindən artıq alkoqol estrogen istehsalını stimullaşdırır ki, bu da yağların yığılmasına səbəb olur.

Aytən