Sağlamlıq

Qan təzyiqini normallaşdıran maddə: Yalnız bu qidaların tərkibindədir

26 Fevral 2024 16:12

Corc Tədqiqat İnstitutundan qidalanma mütəxəssisi Lipinq Huanq, qan təzyiqini aşağı salan kaliumun bir neçə qidada mövcud olduğunu açıqlayıb.

Publika.az xəbər verir ki, o, "The Sun"un istinad etdiyi bir araşdırmada qan təzyiqini aşağı salmağın təsirli yollarından danışıb.

Huanqın sözlərinə görə, çoxlu kalium tərəvəz və meyvələrdə, xüsusilə banan, kivi və xurma, həmçinin paxlalılar, qoz-fındıq və yarpaqlı göyərtilərdə olur. Bundan əlavə, dietoloq adi duzu kalium olan duzla əvəz etməyi məsləhət görüb. Qidalanma mütəxəssisinin sözlərinə görə, bu, insult riskini 14 faiz, ürək xəstəliyi riskini isə 13 faiz azaldır.

Huanq bu məlumatları 20 mindən çox insanın iştirak etdiyi araşdırmaya istinad edərək bildirib. Beş il ərzində onlar adi duz əvəzinə kalium tərkibli duz istehlak ediblər. Tədqiqatın nəticəsi sübüt edib ki, xəstələrin qan təzyiqi pəhrizdə kaliumun miqdarının artması səbəbindən azalıb.

Cəmilə