Yaya qədər arıqlamaq istəyirsinizsə, bunları yeyin

Profilaktik diyetoloq Dmitri Semiryadov yaya qədər tez arıqlamağın yollarından danışıb.

Publika.az xəbər verir ki, “Rossiyskaya qazeta”ya verdiyi müsahibədə diyetoloq bildirib ki, ilk növbədə sağlam rasion tərtib etmək lazımdır. Bunlar zülalın məşhur mənbələri – ət, balıq, toyuq əti, yumurta, kəsmik və paxlalı bitkilərdir.

Mütəxəssisin fikrincə, onlar bədəni mükəmməl şəkildə doyurur. Bu baxımdan həkim xatırladıb ki, zülal çatışmazlığı zamanı insan güclü aclıq hissi keçirməyə başlayır.

"Həmçinin, arıqlamaq üçün ən faydalı məhsullar tərkibində çoxlu lif olanlardır. Tərəvəzlər, tam taxıllı dənli bitkilər, giləmeyvə və meyvələr liflərlə zəngindir, lakin onları yeyərkən həddi aşmamalısınız. Lifli qidalar doyurucudur və aclıq hissini bir qədər azaldır. Eyni zamanda, qəhvə və çayı çox diqqətlə içməlisiniz, çünki bu içkilərin tərkibində hipertoniya xəstələri və ürək xəstəliyi olan insanlar üçün zərərli olan kofein var", - Semiryadov qeyd edib.

Bundan əlavə, ekspert tez arıqlamaq üçün alma sirkəsi və ya tərkibində orta zəncirli yağ turşuları olan yağları içməyi məsləhət görmür. Son illərdə yağ turşularının faydaları, o cümlədən onların artan enerji dəyəri və iştaha nəzarət xüsusiyyətləri və karbohidrat metabolizmasına müsbət təsir göstərməsi ilə bağlı bir sıra xəbərlər yayılsa da, dietoloq bununla qəti şəkildə razılaşmır.

"Pəhrizinizə çoxlu orta zəncirli yağ turşularını əlavə etsəniz, xərclədiyinizdən daha çox kalori qəbul edəcəksiniz ki, bu da çəkinizin artması deməkdir", - Semiryadov yekunda vurğulayıb.

Aytən