Səhiyyə

ÜST-dən SOS - Ölənlərin sayı artdı

27 Yanvar 2023 05:17

Ümumdünya Səhiyyə Təşkilatı (ÜST) koronavirusdan ölüm hallarının 13 faiz artdığını açıqlayıb.

Publika.az xəbər verir ki, bu barədə TASS məlumat yayıb. Bildirilib ki, dekabrın 26-dan yanvarın 22-dək olan müddətdə 11 milyondan çox insan koronavirusa yoluxub, 55 mindən çox insan dünyasını dəyişib. Təşkilat COVID-19-a yoluxma hallarının əvvəlki 28 günlə müqayisədə 25 faiz azaldığını bildirib. Bununla belə ölüm nisbətində 13 faiz artım qeydə alınıb.

Yanvarın 16-dan 22-dək olan müddətdə ən çox yoluxma Yaponiya (672 526 nəfər) və ABŞ-da (323 721 nəfər) aşkar edilib.

Yanvarın 25-nə olan məlumata görə, ÜST pandemiyanın başlanğıcından bəri 664 873 023 nəfər koronavirus infeksiyasına yoluxub, 6 724 248 şəxs isə bu xəstəlikdən vəfat edib.

Aytən Məftun