Cənubi Qafqaz
Tiflisdə Nərimanovun yubileyi qeyd olundu - FOTO
Bu gün Tbilisidə Nəriman Nərimanovun xatirə muzeyində görkəmli ictimai xadim, müəllim, həkim, dramaturq, yazıçı, publisist Nəriman Nərimanovun anadan olmasının 150 illiyi qeyd edilib.
Publika.az xəbər verir ki, tədbiri giriş sözü ilə açan "Gürcüstan Azərbaycanlılarının İnteqrasiya Mərkəzi"nin icraçı direktoru Aygül İsayeva, Nəriman Nərimanovun həyat və yaradıcılığı ilə bağlı ətraflı məlumat verib və o, Nərimanovu iki xalq arasında, Azərbaycan və gürcü xalqları arasında “Dostluq Simvolu” adlandırıb.
Daha Sonra Nəriman Nərimanovun xatirə muzeyinin kuratoru Rəna Dəlivəlova, Mirzə Fətəli Axundov adına Azərbaycan Mədəniyyət Muzeyinin elmi işçisi Leyla Əliyeva, Gənc Vətənpərvərlər İctimai Birliyinin səlahiyyətli nümayəndəsi Tengiz Məmmədov, “Maarif” qəzetinin redaktoru Ələddin Qarabağlı, GAİM-in Azərbaycan dili və Ədəbiyyat müəllimi Fatma Əliyeva və digərləri çıxış edərək Nərimanovun dahi şəxsiyyət olaraq Gürcüstanda adının yaşadılmasının mühüm olmasını vurğulayıblar.
Tədbirin davamında GAİM-də təhsil alan gənclər Nəriman Nərimanovun oğlu Nəcəfə ünvanladığı məktubu oxuyublar.
Kamança və opera ifaçısı Şəbnəm Asıf qızı könül oxşayan musiqilər səsləndirib.
Sonda tədbir iştirakçıları Marneulidə N. Nərimanovun abidəsini ziyarət edib, abidə önünə tər çiçəklər və əklil qoyublar.
Qeyd edək ki, baş tutan tədbir Gürcüstan Azərbaycanlılarının İnteqrasiya Mərkəzi, Nəriman Nərimanovun xatirə muzeyi və Mirzə Fətəli Axundov adına Azərbaycan Mədəniyyət Muzeyinin birgə təşkilatçılığı ilə keçirilib.
-
Nida Xəbər 12:16
XİN Avropa Parlamentinə cavab verdi
-
Nida Xəbər 11:55
İlham Əliyev Almaniyada mühüm tədbirdə çıxış etdi - Yeniləndi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."