• USD 1,7000 0,00% EUR 2,0077 +0,03%
    • GBP 2,3515 +0,18% RUB 0,0235 +0,85%

Amerikada yaşayan azərbaycanlı iş adamı: "Xanımımla Ağdama gedəcəyik"

Amerikada yaşayan azərbaycanlı iş adamı: "Xanımımla Ağdama gedəcəyik"

Vətənini sevən bütün soydaşlarımız kimi Azərbaycandan nigaranıq. Bu sözləri Publika.az-a açıqlamasında Amerikada fəaliyyət göstərən azərbaycanlı iş adamı Amir Allahverdi bildirib.

Publika.az və digər informasiya vasitələrinə təşəkkürünü bildirən soydaşımız Azərbaycanla bağlı məlumatları mütəmadi izlədiklərini də deyib.

"Bugünlərdə Monteneqroya səfər etmişdim. Podqoritsanın mərkəzində hoteldə qalırdım. Hotelin önündə gəzəndə gözümə uzaqdan gerbimiz dəydi. Yaxınlaşdıqca Azərbaycan-Monteneqro dostluğu şərəfinə salınan parkla qarşılaşdım. Bu, çox böyük xoşbəxtlik idi. Təsəvvür edin ki, ölkəndən çox uzaqda vətənin bir parçasına rast gəlirsən.

Mən Bakıda doğulub, Özbəkistanda böyümüşəm. Özbəklərlə, yəhudilərlə, gürcülərlə, ermənilərlə bir sinifdə oxumuşam. Hamımız bir ailə kimi mehriban yaşamışıq. Azərbaycan xalqı sülhpərvər, tolerantdır. Tək istəyimiz odur ki, öz torpaqlarımızı geri alaq. Məcburi köçkünlərimiz öz vətənlərinə geri dönsünlər. Təsəvvür edin, özünüzə ev almısınız, gözəl təmir edib, xoşbəxt yaşadığınız məqamda düşmən evinizi, ocağınızı dağıdır. Sizi şəhərinizdən didərgin salır.

Başqasının torpağında gözümüz yoxdur. Haqqımız olanı tələb edirik. Cəbrayılın, digər kəndlərimizin geri alınması xəbərini böyük həyəcan və göz yaşı ilə izlədik. Xanımım Ağdamlıdır. Mən ona söz vermişəm ki, doğma rayonu geri qaytarılan kimi oraya birgə gedəcəyik. İnanıram ki, tezliklə arzumuz gerçəkləşəcək", - A.Allahverdi vurğulayıb.

Leyla Sarabi

Halal Nemət

Xəbər lenti

DAHA ÇOX XƏBƏR