Daha bir qurum Paşinyana qarşı QALXDI

İrəvan Ağsaqqallar Şurasının "Luys" fraksiyası Nikol Paşinyanın Ermənistanın baş naziri vəzifəsindən istefasını tələb edir.

Publika.az xəbər verir ki, fraksiyanın nümayəndələri David Xazakyan və Teqmine Vardanyan müraciət layihəsini təqdim etmək niyyətindədir.

Xazakyan bu gün təslimçi baş nazirin istefasını tələb edən müraciət təqdim etmək istədiyini söyləyib. O bildirib ki, əvvəllər bütün uğursuzluqlar uğur kimi keçə bilirdisə və ya əvvəlki hakimiyyətlərin məsuliyyəti kimi qələmə verilə bilirdisə, indi bunlar artıq pərdələnə bilməz.

Vardanyan isə hakim siyasi qüvvənin iki ildən çoxdur ki, boş vədlər verdiyini və cəmiyyəti "qaralar və ağlar"a böldüyünü vurğulayıb.

Xatırladaq ki, 17 müxalifət partiyası Ermənistanın baş naziri Nikol Paşinyan tərəfindən imzalanan Qarabağla bağlı üçtərəfli bəyanata cavab olaraq 10 noyabr tarixindən etibarən İrəvanda mitinqlər keçirir. Müxalifət baş nazirin istefasını, xilasetmə komitəsinin yaradılmasını və bəyanatın bəzi müddəalarında dəyişiklik tələb edir.

Zümrüd