Ermənistan hökuməti ölkədə söz azadlığını belə boğur - Freedom House

Ermənistan hökuməti söz azadlığını boğan cərimələri dəstəkləyir.

Publika.az xəbər verir ki, bu barədə “Freedom House” beynəlxalq insan haqları təşkilatı bildirib.

Təşkilat Ermənistan parlamenti tərəfindən "böhtan və təhqir cəzalarını əhəmiyyətli dərəcədə artıraraq media və söz azadlığını məhdudlaşdırmaqla təhdid edən" düzəlişlərin qəbul edilməsi ilə əlaqədar bir açıqlama yayıb: “Ölkədə media və söz azadlığını qorumaq Ermənistan hakimiyyətinin məsuliyyətidir. Təəssüf ki, Ermənistan hökuməti ölkədəki söz azadlığını boğacaq və KİV-lərin maddi həyatını təhdid edəcək cərimələri dəstəkləyir.

Vətəndaş cəmiyyəti haqlı olaraq qanun layihəsini siyasətçiləri və digər nüfuzlu ictimai xadimləri tənqid etdikləri üçün müstəqil media qurumlarına həddindən artıq cərimələr və siyasi təzyiqlər üçün istifadə edilə biləcəyini əsas gətirərək tənqid etdi. Ermənistan hakimiyyət orqanlarını vətəndaş cəmiyyəti və media qurumlarının narahatlıqlarına ciddi yanaşmağa və bu qanunu ləğv etməyə çağırırıq”.