Cənubi Qafqaz

Paşinyan İrəvan merinə şillə vurdu, o da cavabında...

6 İyul 2021 13:24

Ermənistanda baş nazirin səlahiyyətlərini icra edən Nikol Paşinyan ötən bazar günü İrəvan meri Hayk Marutyanla dalaşıb.

Bu haqda “İravnuk” yazır. Bildirilir ki, görüş zamanı Paşinyanla Marutyan arasında mübahisə düşüb, Paşinyan merə şillə vurub. Marutyan isə onun ünvanına söyüş söyüb.

“İrəvan meri və baş nazir arasında münasibətlər çoxdan gərgindir. Bu dəfə onların görüşünün məqsədi barışıq imkanlarını araşdırmaq idi, amma hansısa məqamda ehtiraslar qızışıb. İnsidentdən sonra Paşinyan Marutyana tezliklə istefaya getməsi üçün vaxt verib”,-məlumatda deyilir.

Xatırladaq ki, Ermənistanda seçki kampaniyası zamanı Paşinyanın Eçmiədzin meri Diana Qasparyana zəng vuraraq onun valideyinlərini söydüyü üzə çıxmışdı. Səbəb isə Paşinyanın Eçmiədzindəki seçki mitinqinə çox az adamın gəlməsi idi... (virtualaz.org)