Paşinyan rəqiblərini belə susdurur

"Nikol Paşinyan seçki saxtakarlığına qarşı mübarizə aparmaq vədi ilə hakimiyyətə gəlib. Amma "fermada inqilaba rəhbərlik edən donuz" kimi Nikol da vədinə əməl etmədi. Paşinyan mövcud sistemi özəlləşdirmək və öz kreslosunu daha da möhkəmləndirmək üçün saxtakarlıqlara əl atmaqda davam edir".

Publika.az xəbər verir ki, bunu erməni ictimai xadim Hayk Usunts deyib. O bildirib ki, Nikolun baş nazir olduğu dövrdə bir dənə də olsun seçki saxtakarlığı faktı "aşkarlanmayıb":

"Bu, təbiidir. Ört-basdır ediblər, göz yumublar. Hətta seçici siyahıları da dəqiqləşdirilməyib. 2 dəfə səsvermə və "karusel oyunları", hətta əlavə çap olunmuş pasportlar haqqında söz-söhbətlər indi efirlərin əsas müzakirə mövzusudur. Bunların hamısı Nikol Paşinyanın hakimiyyəti dövründə olub. Paşinyanın komandasının rəqibləri, namizədlər seçki prosesində saxlanıldı. Polislər tərəfindən zorakılıqlara məruz qaldı. Bu, xüsusən də Gorusda edildi. Aruş Aruşanyan icma seçkiləri zamanı saxlanıldı. Müxalif düşüncəsi ilə seçilən insanların adları seçici siyahılarından çıxarıldı. Onlara əlavə problemlər yaradıldı. Səsvermə hüquqlarından məhrum edildilər. Nikolun "məxməri seçki" texnologiyası budur. Əvvəllər Ermənistanda belə bir şey olmayıb".

Tural Turan