Rusiya Makronu ittiham etdi: Qarabağda savaş başlatmaq istəyir!

“Təəssüf edirəm ki, kifayət qədər uzun müddət Minsk Qrupunun həmsədri olan ölkə (Fransa - red.) prezidenti belə bəyanatlar verir”.

Publika.az xəbər verir ki, bu barədə Rusiyanın Ermənistandakı fövqəladə və səlahiyyətli səfiri Sergey Kopırkin bildirib.

“Fransa Rusiyanın qarşıya qoyduğu məqsədləri və ümumiyyətlə, bütün həll prosesinin mexanizmini, Rusiyanın bu sahədə necə işlədiyini yaxşı başa düşməlidir. Ona görə də mənim üçün bu bəyanatlar daha çox fürsətçi xarakter daşıyır və Rusiyanın etdikləri ilə deyil, Qərbin Rusiyaya tətbiq etdiyi qarşıdurma ilə bağlıdır”, – deyə səfir bildirib.

Onun fikrincə, bu onu göstərir ki, fransızlar Cənubi Qafqaz regionunu da geosiyasi qarşıdurma meydanına çevirməyə çalışırlar:

“Bu, narahatlıq doğurur. Biz ABŞ dövlət katibinin müavininin Ermənistan-Azərbaycan münasibətlərinin normallaşmasının daha sürətlə getməli olduğu məntiqini birbaşa formalaşdıran bəyanatını görürük, çünki ruslar və iranlılar fəallaşır. Məntiq başa düşüləndir, amma mənim üçün bu, çirkindir və regionun maraqlarına xidmət etmir. Bu, Rusiya ilə geosiyasi döyüş təşkil etmək cəhdidir: istənilən addımlar, o cümlədən Aİ missiyasını göndərmək və Rusiya Federasiyasını nəyisə edə bilməməkdə və ya nəyisə etmək istəməməkdə ittiham etməkdir. Nəzərə alsaq ki, Rusiya maraqların uzlaşdırılması, mövcud vəziyyətdən çıxış yolu tapmaq və hər iki tərəf üçün məqbul həll yolları axtarmağa çalışır, bu iş ictimai xarakter daşıya bilməz. Çünki yeganə alternativ müharibədir. Mənim üçün anti-Rusiya təbliğat kampaniyası, regionu geosiyasi qarşıdurma meydanına çevirməyə çalışdıqlarına işarədir”.

Kopirkin əlavə edib: “Makronun Rusiyanın yeni müstəmləkəçilik istəkləri ilə bağlı açıqlamasına gəlincə, bunu müstəmləkə keçmişi ilə çox məşhur olan və hazırda açıq-aşkar neokolonial siyasət yürüdən dövlətlər qrupuna daxil olan bir ölkənin liderinin dilindən eşitmək də çox təəccüblüdür”.

Onun qiymətləndirməsinə görə, Rusiya ordusu və yerdəki sərhəd mövcudluğu vəziyyətin sabitliyinin qorunmasında və daha böyük eskalasiyanın qarşısının alınmasında əsas amil olaraq qalır.

“Biz sülhməramlı kontingentimizə qarşı tənqidi hücumlar eşidirik, lakin bu, bütün mövcud problemlərlə regionun həyatına həqiqətən töhfə verən qüvvədir. Tənqidlər və günahı Rusiya və onun sülhməramlı kontingentinin üzərinə atmaq cəhdi, real vəziyyətlə tam ziddiyyət təşkil edir”, - səfir vurğulayıb.

Akqabay