Tabloid.az

Nura 8 il öncəki sevgisinə qayıtdı – VİDEO

4 Fevral 2015 13:45

Müğənni Nura Surinin “Sevgilim” klipi Muxtar Abseynovun yeni aranjimanında və Hafiz İsmayılın yeni montaj üslubunda tamaşaçıların ixtiyarına buraxılıb.

Bu barədə Publika.az-a danışan Nura yeni layihəsində keçmiş yaradıcılığına nəzər salmaq qərarına gəldiyini, 8 il əvvələ qayıtdığını bildirib: “Keçmişə döndüm. Həmən illərdə gənc müğənni kimi şou-biznesin tələblərinə heç də uyğun gəlmirdim, çünki daha müasir klub musiqisi ifa edirdim”.

Qeyd edək ki, 2007-ci ildə müğənni Ramal İsrafilovun bəstəsi olan “Sevgilim”ə xeyli büdcəsi olan müasir klip də çəkdirmişdi. Klipdə bahalı avtomobil, yaxta, hovuz kənarında şam yeməyi, gecə klubu, dəbdəbəli həyat təsvir edilir. Klipin rejissoru Elxan Cəfərov, operatoru Nadir Mehdiyevdir. Mahnının ilk aranjimanının ilkin versiyası Rüstəm Rzayeva aiddir. Həmin illərdə bu klip maraqla qarşılanmışdı.

Cəvahir