Tabloid.az
Fikrət Əmirovun “Min bir gecə” baleti Minskdə
Fevralın 14-dən 16-dək Minskdə, Belarus Dövlət Musiqili
Teatrında görkəmli Azərbaycan bəstəkarı Fikrət Əmirovun "Min bir
gecə" baletinin premyerası olmuşdur.
Quruluşçu baletmeyster, Azərbaycanın Xalq Artisti Mədinə
Əliyevanın yeni əsrarəngiz xoreoqrafiyası, beynəlxalq müsabiqələr
laureatı, Azərbaycan Dövlət Akademik Opera və Balet Teatrının
dirijoru Əyyub Quliyevin rəhbərlik etdiyi simfonik orkestrin parlaq
ifası, quruluşçu-rəssam İnarə Aslanovanın yaratdığı, Şərq
dünyasının ruhunu təcəssüm etdirən rəngarəng dekorasiya və geyimlər
belarus tamaşaçıları tərəfindən böyük heyranlıqla
qarşılanmışdır.
Tamaşanın quruluşunda, həmçinin teatrın baş baletmeysteri,
Belarus Respublikasının Xalq Artisti Vladimir İvanov, eləcə də
quruluşçu-baletmeysterin assistentləri, Belarusun Əməkdar
artistləri Janna Lebedeva və Olqa Serko, rəssam Lyubov Sidelnikova,
musiqi redaktoru, Azərbaycanın Əməkdar Artisti Samir Səmədov
iştirak etmişlər.
Tamaşada aparıcı partiyaları Belarus Dövlət Musiqili Teatrının
solistləri, beynəlxalq müsabiqələr laureatları Sergey Qlux
(Şəhriyar), İrina Voytekunas (Şəhrizad), Polina Qarunoviç
(Zibeydə), İqor Qonçarik (dənizçi Sindbad), Dmitriy Lazovik
(Ələddin), Mika Suzuki (şahzadə Budur), Vitaliy Borovnev (Cin),
Mayk Partuş (Quldurların başçısı), Aleksandra Krasnoqlazova
(Mərcanə) və Nikolay Umerenkov (Əlibaba) ifa etmişlər.
"Min bir gecə" baletinin ifaçıları - Mayk Partuş (Fransa),
Ririko İto, Mayuoko Ono və Mika Suzuki (hər üçü Yaponiya), İrina
Voytekunas (Litva) müxtəlif ölkələri və qitələri təmsil
etmişlər.
Üç gün ərzində bütün tamaşalar anşlaqla keçmişdir.
Baletin hər bir nömrəsi sürəkli alqışlarla müşayiət olunmuşdur.
Tamaşa başa çatdıqdan sonra dinləyicilər solistlərə, dirijor Əyyub
Quliyevə, xoreoqraf Mədinə Əliyevaya və rəssam İnarə Aslanovaya
məmnunluqlarını sürəkli alqışlarla bildirmişlər.
"Min bir gecə" baletinin Minskdə premyerası Azərbaycan
Respublikası Mədəniyyət və Turizm Nazirliyinin, Azərbaycan Dövlət
Akademik Opera və Balet Teatrının dəstəyi ilə keçirilmişdir.
Tamaşanın premyerasında, həmçinin mədəniyyət və turizm nazirinin
müavini Sevda Məmmədəliyeva, Belarus Mədəniyyət Nazirliyinin
rəhbərliyi, Azərbaycanın Belarusdakı səfiri İsfəndiyar Vahabzadə
iştirak etmişlər.
Xatırladaq ki, 2010-cu ildə Belarus Dövlət Musiqili Teatrında Üzeyir Hacıbəylinin "Arşın mal alan" operettasının, 2013-cü ildə isə Belarus Dövlət Opera və Balet Teatrının səhnəsində Qara Qarayevin "Yeddi gözəl" baletinin premyeraları olmuşdur.
-
Nəqliyyat19:10Azərbaycanda bu yollar da ödənişli ola bilər - Açıqlandı
-
Rəsmi xronika15:08Prezident Latviya Prezidentini təbrik etdi
-
Nida Xəbər 14:37ABŞ-da Azərbaycan bayrağı endirilib? - Dövlət Komitəsindən açıqlama
-
Nida Xəbər 14:31Hafiz Məmmədovun ailəsinin əmlakları ilə bağlı yeni qərar
-
Elm və təhsil13:40“Diplom varsa, avtomatik biliklər də var” - Nazir bu yanaşmanı tənqid etdi
-
İdman12:33Məşhur model futbolçunu "ovlamaq" üçün hər yola əl atdı, amma... - FOTO
-
Elm və təhsil12:27Emin Əmrullayevin oğlu deyilmiş? - Uşaq özü HƏQİQƏTİ AÇIQLADI - VİDEO
-
Nida Xəbər 11:33Muxtar Maniyevin oğlu vəzifədən azad edildi







































