Video

Bu axşamın qalibi kim olacaq: Türkiyə, yoxsa Uels? - VİDEOSORĞU

16 İyun 2021 18:00

Bu gün Avro-2020 çərçivəsində Türkiyənin futbol yığması ikinci oyununu keçirəcək. Bakıdakı Olimpiya Stadionunda baş tutacaq matçda qardaş ölkə təmsilçiləri Uels yığması ilə üz-üzə gələcək. Oyun Bakı vaxtı ilə 20:00-da başlayacaq.

Publika.az-ın əməkdaşları paytaxtın mərkəzində oyuna saatlar qalmış azərbaycanlı azarkeşlərlə yanaşı, Türkiyədən və Uelsdən olan futbol həvəskarlarının da fikirlərini öyrənib. Onların əksəriyyəti Türkiyənin axşamkı oyunda mütləq qələbə qazanmalı olduğunu söyləyib. Türklər yığmalarının 1-2 top fərqi ilə uelsliləri üstələyəcəklərini vurğulayıblar.

Uelsli Tom adlı azarkeş isə ölkəsinin qalib gələcəyini deyib. Bununla yanaşı, türkiyəli azarkeşlərlə uelsli fanatların bir-birlərinə mehriban davrandıqları da gözümüzdən yayınmadı. Onlar fotolar çəkdirir, Bakıdakı qonaqpərvərlikdən razılıqlarını ifadə edirdilər.

Bakının Nizami küçəsində hazırladığımız videosorğunu təqdim edirik: