• USD 1,7000 0,00% EUR 2,0014 0,00%
    • GBP 2,3463 0,00% RUB 0,0234 0,00%

Azərbaycanın səbri daşdı: Qarabağda anti-terror əməliyyatları başlayır? - VİDEOMÜSAHİBƏ

  • Xüsusi
  • 13 Avqust 2021 15:31
  • 2 255 Baxış
Azərbaycanın səbri daşdı: Qarabağda anti-terror əməliyyatları başlayır? - VİDEOMÜSAHİBƏ

Son günlər Qarabağda vəziyyət yenidən gərginləşib. Ermənistana məxsus qanunsuz silahlı birləşmələr rusiyalı sülhməramlıların külgəsində gizlənərək Kəlbəcər, Xocavənd, Füzulinin şimal hissəsi və Xocavənd ətrafındakı mövqelərimizi atəşə tutmaqda davam edirlər. Azərbaycan Müdafiə Nazirliyi ermənilərin son bir neçə gündə intensiv şəkildə təxribatlara əl atdığını vurğulayır.

Görünən odur ki, rusiyalı sülhməramlılar da öz missiyasını yerinə yetirmək əvəzinə terrorçu erməni qruplaşmalarına bu və ya digər formada dəstək verirlər. Hətta Ermənistandan qanunsuz silahlı birləşmələri Laçın dəhlizi vasitəsi ilə Qarabağa daşıyırlar. Məhz buna görə Azərbaycan tərəfi 11 avqustda Rusiyanı qınayan bəyanat səsləndirdi. Müdafiə Nazirliyi Ermənistana havadarlıq edən Kremlə xəbərdarlıq etdi ki, bu cür addımlardan çəkinsin. Təbii ki, bunlar bardağı daşıran səbəblərdir və Bakının səbr kasası daşarsa, daha adekvat addımlar ata bilər.

Publika Tv-nin "Cümə söhbəti"ndə siyasi şərhçi Teymur Qasımlı ilə Qarabağda və regionda baş verən son hadisələri müzakirə etdik. Ekspert bildirdi ki, əgər hadisələr bu cür davam edərsə, Azərbaycan öz suveren hüququndan istifadə edərək Qarabağda anti-terror əməliyyatlarına başlaya bilər. Bu isə o deməkdir ki, Qarabağdakı qanunsuz silahlı birləşmələri ikinci dəmir yumruq gözləyir.

Teymur Qasımlının Publika Tv-yə müsahibəsini təqdim edirik:

Tural Turan,

Video: Röyal Əsədov,

Montaj: Ramazan Vəliyev

Halal Nemət

Xəbər lenti

DAHA ÇOX XƏBƏR