"Bayraktar"ların hazırlandığı zavodda oldum və... - Araz Musayevlə CÜMƏ SÖHBƏTİ

Türkiyə Cümhuriyyətinin elan olunmasından 98 il ötür. Eyni zamanda bu həftə Füzuli Beynəlxalq Hava Limanının açılışı oldu və Türkiyə Prezidenti Rəcəb Tayyib Ərdoğan limana eniş edən ilk xarici ölkə başçısı kimi tarixə düşdü. Türkiyə lideri ilə ölkə başçısı İlham Əliyev Qarabağın hava qapısı sayılan Füzulidən bütün dünyaya mesajlar verdilər.

Həftənin digər əsas məqamlarından biri də 44 günlük Vətən müharibəsində önəmli rol oynayan "Bayraktar" PUA-larının yaradıcısı, Selçuk Bayraktarın atası Özdemir Bayraktarın dünyasını dəyişməsi oldu.

Azərbaycanın və türk dünyası idmanının fəxri simalarından olan 9 qat dünya və 3 qat Avropa çempionu, Əməkdar və Beynəlxalq dərəcəli idman ustası Araz Musayevlə həftənin gündəm mövzularını Publika TV-nin "Cümə söhbəti"ndə müzakirə etdik:

- İstanbulun Sarıyer bölgəsinə getdik. Özdemir Bayraktarın ata-babaları orada yaşayıb-yaradıblar.

- İstanbula çatanda hava limanında məni böyük bir izdiham qarşıladı. Türkiyə ictimaiyyətinin önəmli adamları, hətta millət vəkilləri də məni qarşılamağa gəlmişdilər.

- "Bayraktar"ların yığıldığı zavodda oldum. Orada üzümüzə gələn illərdə istehsal olunacaq PUA-ların hazırlanma prosesi ilə bağlı mənə məlumatlar verdilər. Mərhum Özdemir Bayraktarın iş otağına da baş çəkdim. Bayraktar bütün ömrünü orada keçirib, orada işləyib. Hətta əməliyyatdan çıxandan sonra da evinə yox, həmin iş otağına gələrək işinin başında olub. Bu barədə mənə onun böyük oğlu Haluk Bayraktar məlumat verdi.

- Bu gün Türkiyə dünyanın aparıcı, öndə gedən ölkələrindəndir.

- Avropanın arxasınca getməkdənsə, Türkiyə türk dünyasının önündə getməyi daha məqsədəuyğun hesab etdi.

- Biz tək deyilik, Türkiyə kimi qardaşımız var.

Artıq türk birliyi qurulub. Bu proses davam etməkdədir.

Araz Musayevin Publika TV-yə müsahibəsini təqdim edirik:

Tural Turan

Operator: Röyal Adıgözəlov

Montaj: Ramazan Vəliyev