Yeni ittifaq üçün “Qarabağ düsturu” – “Troya atı” işə düşdü

Ermənistanda hakim Respublika Partiyasının üzvü, keçmiş deputat Viktor Dallakyan yeni partiya yaratmağa hazırlaşır.

Publika.az xəbər verir ki, bu barədə "Jamanak" qəzeti yazıb.

Dallakyan vaxtilə müxalifətdə olan "Ədalət" partiyasının sədri idi, lakin sonradan o hakim partiyasının sıralarına qatıldı.

"Keçmiş deputat hakim partiyasının sıralarını tərk edərək, "İnkişaf naminə dönüş" adlı yeni partiya yaratmaq qərarına gəlib. Bu partiya Serj Sarkisyana müxalifət olacaq. Həmçinin, partiya Rusiyadan maliyyələşəcək", - deyə qəzet yazıb.

"Lragir" saytı yazır ki, Putin Ermənistan siyasətini yeniləyir. Hansı ki, aprel müharibəsindən sonra Ermənistandakı proseslər Kremlin ürəyincə olmadı: "Ermənistan Rusiyanın forpostu rolunu oynayır. Lakin görünür Kreml əlavə variantlar da hazırlayır. Əgər hakimiyyət yanlış yol tutarsa, onun yerinə gələ biləcək güc də Putinin əlində olmalıdır. Burada Rusiya-Türkiyə yaxınlaşması da özünü göstərir".

Qeyd edək ki, Türkiyə-Rusiya yaxınlaşmasından sonra bölgədə Türkiyə-Rusiya-Azərbaycan-İran formatının yaranması gündəmə gəlib. Region ölkələri Ermənistanı da bura qoşmaq niyyətindədir. Xüsusilə Rusiya İrəvanı bu orbitin içində görmək istəyir. Lakin bunun üçün əvvəlcə Dağlıq Qarabağ problemi həll olunmalı, Bakı və İrəvanın eyni formatda təmsil oluna biləcəyi şərait yaradılmalıdır. Ankara da Ermənistanı münaqişənin həllinə razı salmaq istiqamətində addımlar atıb. Lakin Sarkisyan rejiminin təmsil olunduğu "Qarabağ" klanı bu prosesə qarşıdır. Görünür, Rusiya Sarkisyanın Qərblə anlaşa biləcəyi ehtimalına qarşı özünə bağlı yeni siyasi partiyalar yaradır.

Sarkisyanın Karen Karapetyanın baş nazir gəlməsindən sonra hakimiyyəti təhvil verməyə hazırlaşdığı haqda da məlumatlar var. O, münaqişənin həllini uzatmaqla ərazilərin qaytarılmasını öz ayağına yazmaq istəmir.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Erməni politoloq Ara Papyan da bu prosesləri şərh edərkən, "1994-cü ildə Bişkek protokolundan sonra ərazilərin verilməsi məsələsi aktual olub. Əvvəlcə ərazilərin qaytarılması əvəzinə Qarabağa statusun verilməsi nəzərdə tutulurdu. İndi isə ərazilər qaytarılır, əvəzində sadəcə müharibəyə son qoyulur", - deyə o qeyd etmişdi.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Hesab etmək olar ki, Rusiya Ermənistan siyasətini dəyişdirməklə, həm də münaqişənin həllini sürətləndirmək niyyətindədir. Hansı ki, regionu itirməmək və Qərbin bura daxil olmasının qarşısını almaq üçün buna məcburdur.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Asif