"Neftçi" 6 turdan sonra tilsimi qırdı

Bu gün Azərbaycan Premyer Liqasında XI tura yekun vurulub. Publika.az xəbər verir ki, son oyun günündə iki marağlı matç baş tutub.

Günün ilk oyununda "Sumqayıt" doğma meydanda "Neftçi"ni qonağ edib. 6 oyundan sonra "ağ-qaralar" 2:1 hesablı ilk qələbəsini qazanıb. Samir Əliyevin yetirmələri altı tur idi ki, üç xala həsrət idi. "Sumqayıt"dan Uğur Pamuk, "Neftçi" dən isə Fəhmin Muradbəyli və Ruslan Qurbanov (penalti) fərqlənib.


Turun son oyununla isə "Xəzər Lənkəran" "Rəvan"ın qonağı olub. İki turdan sonra qələbə qazanan "Xəzər Lənləran"ı 79-cu dəqiqədə Elnur Cəfərov sevindirib. Turun bundan əvvəl baş tutan oyunlarında "Qarabağ" AZAL-ı 2:0, "Kəpəz" "Qəbələ"ni 2:1 hesabı ilə udub, "İnter" - "Zirə" matçında hesab açılmayıb - 0:0.

Premyer Liqa
2015/16 mövsümü
II dövrə, XI tur

2 noyabr
Sumqayıt - Neftçi 1:2
Qollar: Uğur Pamuk, 7 - Fəhmin Muradbəyli, 72. Ruslan Qurbanov, 77-pen.
Hakimlər: Rauf Cabbarov, Elman Musayev, Nahid Əliyev, Ramil Diniyev.

Rəvan - Xəzər Lənkəran 0:1
Qol: Elnur Cəfərov, 79.
Hakimlər: Orxan Məmmədov, Rza Məmmədov, Vüqar Bayramov, Rəvan Həmzəzadə.

Bu arada Azərbaycan Premyer Liqasının XII turunun oyun cədvəli açıqlanıb. Turun görüşləri 3 gün ərzində reallaşacaq.

7 noyabr
AZAL - Kəpəz
“AZAL Arena”. Saat 16.30.

Zirə - Sumqayıt
Zirə İdman Kompleksinin stadionu. Saat 18.30.

8 noyabr
Xəzər Lənkəran - Qarabağ
“Xəzər Lənkəran” mərkəzi stadionu. Saat 16.00.

Neftçi - Rəvan
“Bakcell Arena". Saat 18.00.

9 noyabr
Qəbələ - İnter
Qəbələ şəhər stadionu. Saat 16.00.