Gələcəyə ümidlə baxıram - Hamilton

26 May 2022 11:46

“Mercedes” komandasının pilotu Lyuis Hamilton bildirib ki, startda Maqnussenlə təmas etməsə, “Red Bull”larla mübarizə apara bilərmiş.

Publika.az xəbər verir ki, britaniyalı pilot İspaniya yarışının startında Maqnussenlə təmas yaşayıb və təkəri deşilib.

Pitə girib yeni təkər götürən yeddiqat dünya çempionu yarışa liderin 50 saniyə arxasında qayıdıb. Buna baxmayaraq, təslim olmayan pilot yarışı beşinci yerdə başa vurub.

Lyuis Hamilton deyib ki, doğru yoldayıq: “Yenidən qələbələr uğrunda mübarizə aparacağımıza əminəm. Yarışda təmas yaşamasaydım, “Red Bull”larla mübarizə apara bilərdim. Buna görə də gələcəyə ümidlə baxıram”.