Həmiltonun hirslənməsi mənim problemim deyil - Alonso

31 May 2022 14:38

“Alpine” komandasının pilotu Fernando Alonso rəqibi Lyuis Həmiltonun əsəbləşməsinə əhəmiyyət vermir.

Publika.az">Publika.az xəbər verir ki, ispaniyalı pilot restartdan sonra Medium təkərlərə keçib. Amma tempi çox aşağı olub. O, hər dövrə liderə 3-4 saniyə uduzub. “Alpine” komandası boliddə problem olmadığını bildirib.

Bu hal ən çox Lyuis Həmiltona təsir edib. O, əzəli rəqibinin arxasında çox vaxt itirib və 8-ci yerə razı olub.

Fernando Alonso deyib ki, 33 dövrə qalmışdı və təkərin yarışı bitirəcək potensialı yox idi: “İki seçim var idi. Ya işlənmiş Hard təkərlə davam edəcəkdik, ya da Medium götürəcəkdik. İkincisini seçdik, amma ömrü 33 dövrədən az idi. Yarışı bitirməmə təhlükəsi var idi və təkərləri 15 dövrə qorudum. Sonra Okonun cəza aldığını öyrənəndə var qüvvəmlə sürdüm. Həmiltonun hirslənməsi mənim problemim deyil”.