ABŞ

Prezidentliyə namizəd Kanye Vestdən açıqlama: “Qalib gəldiyim gün...”

8 İyul 2020 15:38

İrqçi çıxışları ilə tanınan ABŞ Prezidenti Donald Trampa dəstək verməklə afroamerikalıların qəzəbinə tuş gələn reper Kanye Vest prezident seçkilərinə namizədliyini irəli sürməsinə aydınlıq gətirib.

Publika.az xəbər verir ki, ölkəsinin Milli Müstəqillik Günündə namizədliyini açıqlayan reper iki hakim partiya – Respublikaçılar və Demokratların deyil, Doğum Günü Partiyasının namizədi olacağını bildirib.

O, “Forbes”ə verdiyi 4 saatlıq müsahibədə partiyanın adı ilə bağlı fikirlərini belə izah edib: “Çünki biz qalib gəldiyimiz zaman hər kəsin doğum günü olacaq. Həyatda etdiyim hər şey kimi bunu da qalib gəlmək üçün edirəm. Namizədlik mövzusunda ciddiyəm. Şüarım da “Kanye Vest HƏ!”dir”.

Reper bildirib ki, vitse-prezidentliyə namizədi fermasının yerləşdiyi Vyominqdən din xadimi Maykl Tidballdır.

Qeyd edək ki, Kanye Vest cəmiyyətdə həm də abort və peyvəndləmə siyasətinə qarşı fikirləri ilə tanınır.

Zümrüd