• USD 1,7000 0,00% EUR 1,9208 -0,23%
    • GBP 2,2592 -0,02% RUB 0,0230 +0,43%

Film çəkilişlərində FACİƏ: qadını güllələyən aktyor danışdı

  • ABŞ
  • 23 Oktyabr 2021 00:00
  • 852 Baxış
Film çəkilişlərində FACİƏ: qadını güllələyən aktyor danışdı

Məşhur amerikalı aktyor Alek Bolduin "Rast" filminin çəkilişləri zamanı baş vermiş faciəvi hadisədən sarsıntı keçirdiyini yazıb.

"Həmkarımız, qadın və ana olan, qürur duyduğumuz Qalina Hatçinsin həyatını bitirən faciəvi hadisədən necə şoka düşdüyümü anlatmağa kəlmələr yetmir. Faciənin necə baş verdiyini araşdıran, istintaq aparan polislə tam əməkdaşlıq edirəm", - aktyor Instagram hesabında yazıb.

Aktyor qeyd edib ki, həlak olan qadının yaxınları ilə əlaqə saxlayıb və Hatçinsin həyat yoldaşına, ailəsinə dəstək göstərməyə hazırdır.

"Həyat yoldaşına, oğluna, Qalinanı tanıyan və sevən hər kəsə ürəyim yanır", - Bolduin əlavə edib.

Hadisə Nyu-Meksiko ştatında baş verib. Film çəkilişi vaxtı Bolduin boş patronla doldurulmuş tapançadan atəş açıb. Operator Qalina Hatçins ağır yaralanıb və onu aviasiya ilə Albukerke şəhərinin xəstəxanasına çatdırıblar. Ancaq həkimlər onu xilas edə bilməyiblər. Başqa bir güllə isə filmin rejissoru Coel Souzanın çiynini yaralayıb.

Variety jurnalı indilərdə bildirib ki, həmin butafor tapançanın içində bir döyüş patronu olub. Bu barədə məlumatı isə Teatr Səhnəsi Əməkdaşlarının Beynəlxalq Alyansı özünün 44 üzvünə elektron poçtla göndərib.

Santa-Fe dairəsinin şerifi bildirib ki, atəşi açan Alek Bolduindir, ancaq hələlik ona qarşı ittiham irəli sürülməyib. Filmin çəkilişləri dayandırılıb.

Qalina Hatçinsin 42 yaşı vardı. O, Ukraynada doğulub. Kiyev Universitetinin beynəlxalq jurnalistika fakültəsini bitirib. Son illər Los-Ancelesdə yaşayırmış. Bir neçə Hollivud filminin ("Əzizim" (2019), "Qatı düşmən" (2020) və Blindfire (2020)) operatoru olub .

Halal Nemət

Xəbər lenti

DAHA ÇOX XƏBƏR