Amerikalı hərbi ekspertdən ŞOK SÖZLƏR: Onlar hücum edəcəklər
Bizi izləyin

ABŞ

Amerikalı hərbi ekspertdən ŞOK SÖZLƏR: Onlar hücum edəcəklər

ABŞ hərbi eksperti Cerri Hendriks "Wall Street Journal" dərgisi üçün yazdığı məqalədə Amerika təyyarə gəmilərinin təhlükəsizlik baxımından zəif olduğunu və bu zəifliyin onları Rusiya və Çin raketlərinə qarşı müdafiəsiz vəziyyətdə qoyduğunu bildirib.

Publika.az xəbər verir ki, Amerika döyüş gəmilərinin müasir imkanlarının sahildəki hədəflərə hücum imkanı vermədiyinə diqqət çəkən Hendriks ABŞ-ın Çin və Rusiya ilə rəqabət aparmaq üçün hücum məsafəsini artırmalı olduğunu qeyd edib.

"İndi həm Çin, həm də Rusiya daşıyıcı qrupların hədəf bölgələrə yaxınlaşma ehtimalını əhəmiyyətli dərəcədə çətinləşdirən və bəlkə də tamamilə istisna edən təsirli döyüş texnikaları əldə ediblər. Gəmi qrupları sahilə 1800 kilometrdən az məsafədə yaxınlaşa bilmir və bu, sahili gəmilərdə istifadə edilən F/A-18 qırıcıları və bombardmançıları üçün əlçatmaz edir".

Amerikalı ekspert vurğulayıb ki, yaxın vaxtlarda təyyarədaşıyan gəmilərin göyərtəsində insanlı və ya pilotsuz uzaqmənzilli təyyarələr görünməsə, hücum qrupları Rusiya və Çinin qarşısının alınması prosesinə ciddi təsir göstərə bilməyəcək.

ABŞ-ın müdafiə və milli təhlükəsizliyinin gələcəyi ilə bağlı təhlillərə yer verən "Defence One" saytı Rusiya ordusunun onilliklər ərzində ən yaxşı formada olduğunu və Moskva ilə Pekin arasında strateji koordinasiyanın dərinləşməsinin Vaşinqtonun üstünlüyünə xələl gətirdiyini bildirib.

Akqabay

Oxumağa davam et
Reklam
Reklam

Gündəm