İlon Mask bir həftə ərzində 14,5 milyard dollar itirdi

Amerikalı sahibkar, "Tesla", "SpaceX" və "Twitter" şirkətlərinin rəhbəri İlon Mask bir həftə ərzində 14,5 milyard dollar itirib.

Publika.az xəbər verir i, bu barədə "Forbes" jurnalı yazır.

Nəşrin jurnalistləri Maskın sərvətini hazırda 187,9 milyard dollar qiymətləndirir. Qeyd edilir ki, onun kapitalı investorların "Tesla"nın gəlirlərinin gözləniləndən az olacağından qorxması səbəbindən azalıb. "Tesla" səhmləri həftə ərzində 10,8% ucuzlaşıb. Buna səbəb kimi şirkətin rüblük hesabatında bildirilir ki, elektriklə işləyən avtomobillərin çoxu anbarlarda yığılıb.

Daha əvvəl bildirilmişdi ki, "Tesla" Şanxayda "Megapack" enerji anbarı tikmək niyyətindədir. Artıq Şanxayda "Tesla" elektrik avtomobil fabriki fəaliyyət göstərir. Burada "Model 3" sedanları və "Model Y" krossoverləri yığılır.

Çin "Tesla"nın ABŞ-dan sonra ikinci ən böyük satış bazarıdır, 2022-ci ildə Çində satışlar şirkətin gəlirinin 22,3%-ni təşkil edib. Mart ayında "Tesla" Çindəki törəmə müəssisəsində istehsalı genişləndirdiyini açıqladı.

Hüseyn İbadlı