ABŞ Rusiyanın şərtlərini qəbul etdi: Ağlabatandır

“Rusiya artıq danışıqlar masası arxasındadır. Şərtlərini aydınlaşdırdılar. İndi şərtləri qəbul edib barışmağa başlamalıyıq. Şərtlər ağlabatan və əsaslıdır. Biz, ümumiyyətlə, sevinməliyik ki, Rusiya danışıqlara başlamağa hazırdır, hətta SSRİ dağılandan bəri Ukraynanı neytral dövlət kimi görməyə hazırdır”.

Publika.az xəbər verir ki, bunu Pentaqonun keçmiş müşaviri və ABŞ ordusunun istefada olan polkovniki Duqlas Makqreqor öz bloqunda yazıb.

Analitik vurğulayıb ki, Ukraynanı NATO-ya qəbul etmək və onun qoşunlarını müharibə zonasına göndərməyə çalışmaq barədə yalan vədlər istisna olmaqla, Avropa çətin ki, danışıqlar üçün konstruktiv variant təklif etsin. Makqreqorun fikrincə, bu, yaxşı heç nəyə gətirib çıxarmayacaq və Rusiyanın etimadını daha da sarsıdacaq.

“Ancaq Rusiya Qərbə etibar edə bilərmi? Budapeşt memorandumunu və Minsk razılaşmalarını dərhal xatırlayacaqlar, çünki biz onları o zaman aldatmışdıq”, - deyə Qərb hərbi eksperti fikrini yekunlaşdırıb.

Adəm Abbaslı