ABŞ

ABŞ qırıcıları Əl-Baydadakı texniki instituta ZƏRBƏ ENDİRDİ

16 Mart 2025 04:14

ABŞ qırıcıları Yəmənin mərkəzində Əl-Bayda əyalətində texniki instituta, hərbi polis idarəsinə və Dhammar əyalətində emalatxanaya zərbələr endirib.

Publika.az xəbər verir ki, bu barədə "RİA Novosti" yəmənli mənbəyə istinadla məlumat yayıb.

Agentliyin mənbəsinin bildirdiyinə görə, Amerika qırıcıları əyalətdə, o cümlədən Radaa bölgəsində gusilərin "Ənsar Allah" hərəkatı ilə əlaqəli Əl-Qusayr düşərgəsi və Əl-Beydanın şimal-qərbində Əl-Qureyşiyyə bölgəsindəki Əl-Qureyşiyyə Texniki İnstitutunda səkkiz zərbə endirib.

Martın 15-i axşam saatlarında ABŞ Mərkəzi Komandanlığı “Ənsar Allah” hərəkatına qarşı genişmiqyaslı hərbi əməliyyata başladığını elan edib. Əməliyyat qrupun strateji hədəflərinə bir sıra dəqiq zərbələr endirməsini nəzərdə tutur.

Komandanlıq vurğulayıb ki, tədbirlər “Amerikanın maraqlarını qorumaq, təhdidlərin qarşısını almaq və beynəlxalq gəmiçilik təhlükəsizliyini bərpa etmək” məqsədi daşıyır.

Hüseyn İbadlı