ABŞ

Rusiyaya NATO ilə bağlı KRİTİK TƏKLİF - Tramp bunu etsə...

22 Avqust 2025 02:42

"ABŞ Prezidenti Donald Tramp Ukraynadakı münaqişəni həll etmək üçün Rusiyaya NATO üzvlüyünü təklif etməlidir".

Publika.az xəbər verir ki, bunu ABŞ konqresmeni Mett Qets "One America News" (OAN) telekanalında yayımlanan şəxsi proqramında bildirib.

"Mənim bir fikrim var: Rusiyaya NATO üzvlüyünü təklif edin. Təbii ki, bunun müqabilində Tramp Putindən istədiyi hər şeyi almalıdır ", - konqresmen deyib.

Qets əlavə edib ki, Tramp bu variantı Putinə qarşı təsir vasitəsi kimi istifadə edə bilər. Onun sözlərinə görə, Rusiyanın NATO-ya üzvlük ideyası siyasi dairələrdə çoxdan müzakirə olunur.

Tramp avqustun 19-da bəyan edib ki, SSRİ, sonra isə Rusiya sərhədləri yaxınlığında NATO-nu görmək istəməməkdə “haqlı idilər”. Ağ Ev rəhbəri xatırladıb ki, Putinin hakimiyyətə gəlməsindən çox əvvəl Sovet İttifaqı və ya Rusiya tərəfindən Şimali Atlantika Alyansının sərhədlərə doğru irəliləməsi məsələsində dəfələrlə “yox, yox” cavabı səslənib.

Hüseyn İbadlı