Həkimi Trampın "kardioloji yaşı"nı açıqladı

ABŞ Prezidenti Donald Tramp tibbi müayinədən uğurla keçdi və müstəsna fiziki formada olduğunu göstərdi.

Publika.az xəbər verir ki, bu barədə Trampı müalicə edən həkimin rəyində deyilir.

Ağ Evin Mətbuat xidmətinin yaydığı sənədə görə, Tramp Vaşinqton ətrafındakı Uolter Rid adına Hərbi Tibb Mərkəzində planlı tibbi müayinədən uğurla keçib.

ABŞ liderinin həkimi Şon Barbabella onun metabolik, hematoloji və kardioloji göstəricilərinin sabit qaldığını açıqlayıb.

"Aparılan kompleks laboratoriya tədqiqatları əla nəticələr göstərdi. Prezident Tramp müstəsna fiziki formadadır, ürək-damar, tənəffüs, sinir və dayaq-hərəkət sistemlərinin yüksək göstəricilərini nümayiş etdirir", - həkimin rəyində bildirilir.

Vurğulanıb ki, Trampın ürək-damar sistemi bütün göstəricilər üzrə real yaşından 14 il daha gənc görünür. Bu da ona sağlamlığı ona məhdudiyyətsiz şəkildə gərgin iş qrafikini davam etdirməyə imkan verir.

Beynəlxalq səyahətlər ərəfəsində Trampa qrip və COVID-19 peyvəndi vurulduğu da qeyd edilib.