Tramp argentinalılara xəbərdarlıq etdi: Ona səs verməsəniz...

Donald Trump, Argentinaya ABŞ-ın 20 milyard dollarlıq yardım paketinin taleyinin bu ay ölkədə keçiriləcək aralıq seçkiləri ərəfəsində Xavyer Mileyin siyasi uğurundan asılı olduğunu bildirib.

Publika.az xəbər verir ki, bu barədə “Financial Times” məlumat yayıb.

Tramp çərşənbə axşamı Ağ Evdə Argentina prezidenti ilə görüşü zamanı deyib: "Seçkilər çox yaxındadır... Məncə, qələbə qazanmaq çox vacibdir. Qalib gəlsə, onun yanında qalacağıq, yoxsa, ayrılacağıq”.

Ötən cümə axşamı ABŞ Xəzinədarlığı pesonu dəstəkləmək üçün müdaxilə etdiyini açıqlayıb və Argentinanın dollar kəsiri olan mərkəzi bankına xarici valyutaya çıxış imkanı vermək üçün 20 milyard dollarlıq valyuta mübadiləsinə razılıq verib.

Yardım Trampın Latın Amerikasındakı ən güclü ideoloji müttəfiqi olan Mileyi siyasi cəhətdən təzyiq altında qoyan bazar böhranını aradan qaldırmaq üçün edilib.

Oktyabrın 26-da Argentinada parlament seçkiləri keçiriləcək və bu seçkilərdə Mileyin partiyası Konqresdəki azlığı artırmağa çalışacaq. Tramp görüşdən sonra “Truth Social” şəbəkəsində yazdığı şərhə əlavə edib:

“Ümid edirəm ki, Argentina xalqı onun nə qədər yaxşı iş gördüyünü başa düşür və qarşıdakı aralıqlarda onu dəstəkləyəcək ki, biz Argentinanın inanılmaz potensialını həyata keçirməyə kömək etməyə davam edək. Xavyer Mileyə mənim tam və tam dəstəyim var".

Tural