ABŞ

Tramp TƏKZİB ETDİ: "Ukrayna ilə belə müzakirələr aparılmır"

20 Oktyabr 2025 07:47

ABŞ Prezidenti Donald Tramp Ukrayna tərəfi ilə Rusiyanın xeyrinə mümkün ərazi güzəştlərinin müzakirə edildiyi barədə məlumatları təkzib edib.

Publika.az xəbər verir ki, bu barədə "Reuters" agentliyi məlumat yayıb.

Trampın Ukrayna Prezidenti Volodimir Zelenski ilə görüşündən sonra Qərb mediasında ABŞ tərəfinin Donbasın güzəştə gedilməsini tələb etdiyi barədə xəbərlər yayılmışdı.

“Putin nəyisə alacaq, o artıq müəyyən əraziləri ələ keçirib,” – deyə Tramp daha əvvəl mümkün ərazi dəyişikliklərini şərh edərkən bildirmişdi.

"Financial Times" qəzetinin mənbələrə istinadla verdiyi məlumata görə, Tramp Zelenski ilə görüş zamanı dəfələrlə səsini yüksəldib və bir anda Ukraynadakı döyüş əməliyyatlarının xəritələrini masadan yerə atıb. Nəşrin məlumatına görə, iki liderin görüşü bir neçə dəfə mübahisəyə çevrilib və ABŞ Prezidenti “davamlı şəkildə əsəbiləşib”.

Hüseyn İbadlı