Tramp Rusiya və Zelenskiyə təzyiq etmək yollarını axtarır

"ABŞ Prezidenti Donald Tramp yalnız Rusiyaya deyil, həm də Ukrayna Prezidenti Volodimir Zelenskiyə təzyiq göstərmək yollarını araşdırır. Məqsəd Ukraynada hərbi münaqişənin daha tez həllinə nail olmaqdır".

Publika.az xəbər verir ki, bu barədə "Newsmax" telekanalının efirində ABŞ-ın NATO-dakı daimi nümayəndəsi Metyu Uitaker məlumat verib.

Onun sözlərinə görə, Trampın sanksiyalarla bağlı bəyanatı 22 oktyabrda NATO Baş katibi Mark Rutte ilə keçirilən görüşün “ən mühüm” nəticəsi olub.

Uitaker hesab edir ki, sevindirici məqam odur ki, eyni zamanda Avropadakı müttəfiqlər və alyans ölkələri də yeni sanksiya raundunu elan ediblər.

Oktyabrın 23-də Tramp bildirib ki, hazırda Rusiya Prezidenti Vladimir Putinlə görüşməyi planlaşdırmır, lakin gələcəkdə bunu etmək istəyir. Ağ Evin rəhbəri qeyd edib ki, o, həmişə Putinin “Ukraynanın bir hissəsini deyil, tamamını almaq istədiyini” hiss edib. Tramp həmçinin “Lukoyl” və “Rosneft” şirkətlərinə qarşı sanksiyalar tətbiq edib ki, bu da artıq neft qiymətlərinin artmasına səbəb olub.

Hüseyn İbadlı