ABŞ

Bu ölkə Reyqanla bağlı reklam yaydı, Tramp qəzəbləndi: Danışıqlar dayandırıldı

24 Oktyabr 2025 09:24

ABŞ prezidenti Donald Tramp Kanada ilə bütün ticarət danışıqlarının başa çatdığını elan edərək, ölkə hökumətini uydurma reklamdan istifadə etməkdə ittiham edib.

Publika.az xəbər verir ki, o, bu barədə elanı “TruthSocial” sosial media platformasında yayıb.

Amerika liderinin sözlərinə görə, Kanada tərəfi ABŞ-ın keçmiş prezidenti Ronald Reyqanın ticarət tarifləri ilə bağlı mənfi fikirlər səsləndirdiyi saxta reklamlar yayıb.

“Onların belə davranışlarına görə Kanada ilə bütün ticarət danışıqları dayandırılır”, - Tramp yazıb.

Sentyabr ayında “Global Affairs Canada” Kanada-Meksika-Amerika Birləşmiş Ştatları Ticarət Sazişi (CUSMA) üzrə ictimai məsləhətləşmələrin yeni mərhələsinin başlandığını elan etdi.

Kanadanın Baş naziri Mark Karni bildirib ki, Kanada və Meksika Birləşmiş Ştatlarla tərəfdaşlığa sadiqdirlər və üç ölkə arasında azad ticarət sazişinin daha ədalətli və effektiv olmasında maraqlıdırlar.

Tural