Tramp peyvəndlərlə bağlı direktiv imzaladı - Uşaqlara 72 iynə vurulmamalıdır

Dekabrın 5-də ABŞ Prezidenti Donald Tramp ölkədə uşaqların həddən artıq peyvənd edildiyini bildirərək Səhiyyə və İnsan Xidmətləri Departamentinə təcili olaraq digər dövlətlərdə peyvənd cədvəllərini nəzərdən keçirməyi tapşırıb.

Publika.az xəbər verir ki, Ağ Ev rəhbəri bu barədə "Truth Social"da yazıb.

O bildirib ki, Səhiyyə və İnsan Xidmətləri Departamentindən digər ölkələrdə peyvənd cədvəllərinin hərtərəfli qiymətləndirilməsini sürətləndirməyi istəyib.

Tramp ABŞ-ın peyvənd cədvəlini nəhayət elmin və sağlam düşüncənin qızıl standartlarına əsaslanması üçün daha yaxşı kalibrləməsini tələb edən yeni direktivi imzaladığını açıqlayıb.

Onun sözlərinə görə, mövcud peyvənd cədvəli çoxdan tam sağlam uşaqlara 72 iynə vurulmasını tələb edir. ABŞ lideri bu vəziyyəti gülünc adlandırıb. O, həmçinin özü ilə yanaşı, bir çox valideyn və alimin də bunun effektivliyinə şübhə ilə yanaşdıqlarını diqqətə çatdırıb.

Ağ Evin dərc etdiyi direktivin mətninə əsasən, Səhiyyə və İnsan Xidmətləri Departamenti uşaqların ABŞ-a nisbətən daha az xəstəliklərə qarşı peyvənd olunduğu inkişaf etmiş ölkələrdə (Almaniya, Danimarka və Yaponiya) peyvənd qrafiklərini öyrənməlidir.